1. kurdiya ku ji bandor û hetikandin û felişandin û tecawizî ji zimanên biyanî rizgarbûye..

yanê çi?

her ziman xwediyî taybetmediyên xweser in. ziman jî wek xwezayê ye bi demê re, hêdî hêdî li gor pêşveçûn, geşedan, guherîn û veguherîn, pêwîstî û pêdiviyên mirovahî û cihanê diguhere û teşe digire û di demajoya guherîn û teşegirtinê de her û her (ku destdirêjî lê neqewime) li ser koka xwe hêşîn dibe ango şîn têt. hîç ne gengaz û pêkan e ku zimanek nekeve di bin bandora zimanên din lê belê ferq ev e ku lihevbandorkirin ne bi lîstika genetika zimên, bi sirkulasyona peyvan û hevderbasbûna vegotinên têvel û têkel dibe ango;



wek hemû zimanan zimanê kurdî jî xwediyî taybetmendiyên xweser in lê ew mijareke din e lewma ez ê serê kesî/ê bi entryên dirêj gêj nekim. û tenê behsa resenî bikim bes e



edît: sererastkirin

2. kurdî zimanekî ecêb e..

dema ez tirkî dixwînin tehmeke stabîl digirim jê, yanê kê nivîsandibe jî bo min ferq nake tirkî bo min her eynî tirkî ye

lê kurdî ne wilo ye, carinan dest bi xwendina ceribandinekê dikim, hama dilê min li hev dikeve, nikarim sê rûpel şûnde pê de biçim lê carinan jî hin nivîsan sê çar car li ser hêv dixwînim jê têr nabim. nizanim efsûneke ecêb he ye di vî zimanî de. hem dikare xwe li ber kezzeba te reş bike hem jî dikare eşqa zimên di dilê te de vejîne..

min berê jî gotibû, ez bixwe zaza me lê ji ber vê taybetiya kurmancî min dil berdabû evî zimanî, ne ji ber sedemên polîtîk...